رمضان شهر اصلاح النفوس

مثال بسيط حيوضح معنى حلو أوي
لو أنت مخاصم واحد صاحبك ولكم فترة كبيرة مش بتتكلموا مع بعض
وصاحبك ده عزيز عليك أوي وبتحبه جداً
... هاتعمل ايه ؟؟
هاتفضل برده متكلمهوش
بس أنت بتحبه وبتكون سعيد وياه
يبقى الحل أنك أكيد هاتجري تصالحه
طيب ما هو القرآن صديقك الوفي اللي بتلاقي سعادتك وراحتك معاه
مش هاين عليك تروح تتصالح معاه وأنت مش هاجره يوم ولا يومين ده أنت هاجره من زمان
اصل خد بالك أنت مش حتستنى اما ييجى رمضان عشان تبدأ تتصالح مع القرآن
لا لا لا
عارف ليه ؟؟
لأن ببساطة لما أنت بتيجي تصالح واحد صاحبك بيبقى الكلام بينكم في الأول قليل وحاسس بحرج شوية علشان كنتم متخاصمين
نفس الكلام بتحسه لما ترجع تتصالح مع القرآن هتلاقي نفسك بدأت تقرأ ربع بس في الأول وبعد كده حزب وبعد كده جزء
وكل لما تقرأ أكتر
تحس بحلاوة أكتر
هتفهمه أكتر

رمضان ده لازم تدخله وأنت قلبك متعلق بالقرآن ودايق حلاوته

يعنى اية
؟

يعني مش عايزين نضيع وقت للصلح لازم من دلوقتي تفتح مصحفك وتبدأ تتصالح معاه وتقرأ ولو ربع بس أول يوم
المهم تبدأ
--

ولا حضرتك بقى حتستنى رمضان أما ييجى عشان تبدأ تعمل ده