اهم رسالة قبل رمضان

أهم رسالة قبل رمضان ...


شباب ..

رمضان شهر تصفد فيه الشياطين .. يعنى انت و نفسك بس .. يعنى شهر هتعرف فيه انت فعلاً عايز تقرب ربنا و لا انت مش عايز .. أصل مفيش شيطان .. لو لقيت نفسك مش عايز تقرب .. اعرف ان المشكلة فيك انت ..
...
احذر ان تكون فيمن قال رسول الله صلى الله عليه وسلم عنهم "رب صائم حظه من صيامه الجوع و العطش"صحيح الترغيب .. تقوله "انت صايم" ؟؟ يقولك طبعاً !!!

و فى نهار رمضان بيسمع أغانى و بيتفرج على مسلسلات فيها نساء و بيعمل شات مع بنات و بيأخر الصلاة .. و بليل يشرب سجاير و شيشة و يقعد على القهوة و يكلم بنات و و و .. سبحان الله .. و هل هذا صيام ؟؟؟

قال تعالى فى قرآنه ان الشهر كله صيام " فمن شهد منكم الشهر فليصمه" فهو كله صيام .. فى النهار صيام عن الحلال و الحرام .. فالأكل و الشرب و الشهوة حلال و نحن نصوم عنهم فى النهار .. و فى الليل صيام عن المحرمات .. احذر ان يكون حظك من صيامك الجوع و العطش !! اجتنب كل المعاصى فى النهار و الليل ..

لازم فى شهر رمضان نبدأ صفحة جديدة مع رب العالمين .. ناخد عهد مع ربنا .. مفيش صلاة الا و هصليها جماعة فى المسجد .. و أثبت ورد قرآن عشان أختم القرآن و أتدبره .. و بليل التراويح و التهجد .. و أهم حاجة البعد عن المعاصى "اتق المحارم تكن أعبد الناس"حديث صحيح ..

يا اخوانا بجد الشهر ده فرصة .. أبواب الجنة مفتحة فيه .. لو مدخلتش و هى مفتوحة .. هدخل امتى طيب ؟؟

انت عارف ان اللى يعدى عليه رمضان من غير ما يجتهد انه يتقرب لربنا ده النبى صلى الله عليه و سلم و سيدنا جبريل دعوا عليه !! "أتاني جبريل فقال : يا محمد ! من أدرك رمضان فلم يغفر له فأبعده الله . فقلت : ( آمين ) ."صحيح الترغيب .. يعنى لم يتقرب الى الله فى رمضان .. فيكون عقابة ان الله هو الذى يبعده بعد رمضان .. اللهم لا تجعلنا منهم . اللهم آمين ..

ابدأ من دلوقت بطل الذنوب و ابدأ ادعى ربنا ييسر لنا طاعته فيه .. و خد نية انك تخلص رمضان واحد تانى .. بفضل الله نبطل كل الكبائر .. و أعمل كل الطاعات و اعمل نوافل على أد ما أقدر .. الشهر ده هيبقى أول خطوة لطريقى لرب العالمين ..

اللهم بلغنا رمضان و تقبله منا و اجعلنا من عتقائك فيه .. اللهم آمين ..