..هــــام لكــل مــن يكتــب فــى المنتــديـــات ..

الإثنين أغسطس 05, 2013 12:17 am

بسم الله الرحمن الرحيم
الحمد لله رب العلمين والصلاه والسلام على سيد الاولين والاخرين محمد وعلى اله وصحبه اجمعين وبعد
النهارده ان شاء الله هنتكلم عن موضوع فى غايه الاهميه والخطوره ،هيكون موضوعنا بعنوان
احــــــذروا الســيــئات الــجــاريـــه !
كثير يا اخواتى بنسمع عن الحسنات الجاريه :او الصدقات الجاريه / فهل سمعنا قبل كده عن السيئات الجاريه ؟؟؟؟؟
ايــــــــــــــــــوه . مهو زى ما فى حسنات جاريه تنفع صاحبها بعد ما يموت فى برضوا سيئات جاريه صاحبها يتعذب بسببها بعد ما يموت
يعنى ايه الكلام ده ؟؟؟؟؟؟؟؟؟ وازاى ؟؟؟؟
علشان نفهم الموضوع اكثر انا هضربلكم امثله خطيره جدا عن السيئات الجاريه الى يمكن احنا نكون واقعين فيها بس مش واخدين لبالنا ,
تعالوا مثلا نروح لعالم الانترنت . فى كثير من الشباب والبنات مشتركحين فى منتديات ومواقع
طيب ايه المشكله هنا ؟؟؟؟؟؟؟؟؟؟؟؟
المشكله هنا مش فى الموقع او المنتدى المشكله الى بيتحط جوه المنتدى او الموقع ،
يعنى مثلا واحد يحط فى المنتدى اغانى او افلام او مقاطع فيديو كليب ساخره او كلمات اغنيه او اى شى يدعو للرذيله ويغضب الله عز وجل ،
شوف بقى كام واحد بيدخل المنتدى ويسمع الافلام والاغانى دى كل واحد هيسمع الحجات دى هيكون فى ميزان سيئات الشخص الى حطها / وممكن الحجات الى انت حطيتها دى واحد ينقلها فى منتدى تانى وناس تانى يشوفوها وتنتقل لمنتدى تانى . وتنتشر وهكـــــذا تنتقل بين المنتديات والمواقع
ممكن واحد يسمع الفيلم ده يضل ويبعد عن ربنا وده فى ميزان سيئات الشخص الى حطها
واحد تانى يسمع الا غانى ويفكر فى كلماتها وينسى ذكر الله هيكون فى ميزان سيئات الشخص الى حطها
وفى بردوا ناس تحط تواقيع فى المنتديات صور لبنات متبرجه فممكن واحد من الشباب يشوفها ويتفتن بيها وده بردوا هيكون فى ميزان سيئات الشخص الى حطها

وفى بقى يا اخواتى الى بيعمل مواقع اباحيه ومنتديات اباحيه وشتات اباحيه ينشر فيها الرذيله والزنا
هى دى المصيبه الكبرى يقدم الفسق والفجور والشباب تدخل المواقع دى وتضيع
هيبقى كل واحد ضاع من الشباب فى ميزان سيئات الشخص الى عمل المواقع دى
ويموت الشخص الى عمل المواقع وتستمر السيئات ، عداد السيئات يعد فى قبره وهو ميت
وكل يوم يتعذب بيها . تخيلوا كده كل الناس الى ضلت ووقعت فى الفاحشه وبعدت عن ربنا هيبقى فى ميزان سيئات الشخص الى عمل المواقع دى وهيشيل ذنبهم فى الاخر
يا ترى هيشيل اوزار مين ولا مين . ملاين من البشر تدخل المواقع دى وتنقل وتوزع لمواقع ومنتديات تانى
مش كده وبس بيوت تتخرب بسبب الشخص الى عمل المواقع دى
يـــــــــــــااااااااااااااااااه يا اخواتى يوم القيامه الشخص ده هيشيل ذنوب واوزار كل الناس الى ضلت دى
اقرا قول الله عز وجل // ليحملوا اوزارهم واوزار الذين يضلونهم بغير علم الا ساء ما يزرون
وقال النبى صلى الله عليه وسلم

وانا كلامى هنا يا اخواتى مش متوقف على الانترنت بس لالالالا ده ممكن يكون فى حياتنا اليوميه
ممكن برضو انت تخلى صاحب ينقل من تلفونك بالبلتوث مقطع فيلم او اغنيه او اى شى يغضب الله
وصاحبك يعطيها لغيره وغيره يعطيها لغيره وهـــــــــكذا

وكل الى هيضلوا هيكونوا بسببك وانت الى هتشيل ذنبهم ، ممكن انت تموت والمقطع ينتقل من شخص لشخص
وانت ميت تتعذب فى قبرك بسبب الناس دى
وقيسوا على كده امثله كثيره جدااااااا على حكايه السيئات الجاريه
شـــــوفــتوا يا اخواتى قد ايه الامر خطير ؟؟؟؟؟؟؟؟؟؟
لذلك يا اخواتى قبل ما نكتب كلمه واحده فى منتدى او فى موقع نفكر الف مره . هل الكلمه دى تغضب ربنا ؟؟؟؟
هل ممكن شخص لو شاف الحجات الى حطيتها فى المنتدى هل يمكن يضل ؟؟؟؟؟؟؟
لانه ممكن بكلمه واخده تدخلك النار سبعين سنه !!!
ما بالك بحجات كثيره زى الافلام والاغانى والكلام الى يغضب ربنا
يا اخواتى ليه منستغلش المنتديات والمواقع فى شى مفيد للدين او الدنيا ؟؟؟؟؟؟؟
للدنيا مثلا نحط موضوع طبى حل لمشكلات موضوع يخص برامج الكمبيوتر والانترنت او تعلم اللغات ؟؟؟؟؟؟
ليه منستغلش الانترنت فى نشر دين الله بدل ما نحط اغنيه او فيلم وغيره ؟؟؟؟؟
ليه مثلا منحطش فى المنتدى فيديو مؤثر لشيخ من الشيوخ ؟؟؟
او نحط موضوع دينى حتى لو نقلناه نقل ؟؟؟
ليه منحطش قصه مؤثره فيها عبره ؟؟؟؟؟؟
ليه منحطش مقطع قرءان بصوت قارى مؤثر ؟؟؟؟
ممكن حد يدخل المنتدى ويقرا موضوعك او القصه او يسمع القرءان يتاثر ويتوب على ايديك ، ممكن كثير جدااااا من الناس تتوب وتهتدى بسبب الى حطيته وكل ده هيبقى حسنات جاريه ليك وصدقات جاريه تنفعك بعد موتك , هــــا بعد الكلام الى قلناه يا ترى هتختار ايه ؟؟؟؟؟؟؟؟؟؟؟
هتختار الحسنات الجاريه ولا السيئات الجاريه ؟؟؟؟؟؟
اترك لكم الخيار
وفى النهايه ادعو كل شاب او كل فتاه كان بيحط فى المنتدى الافلام او الاغانى او المقاطع الفيديو كليب والرقص الغربى والشرقى والجنوبى والشمالى او تواقيع النساء فى المنتديات انا هقولهم يلا دلوقتى نروح نمسح الحجات دى بسرعه من المنتديات والمواقع قبل فوات الاوان ونحط بدلها اشياء تنفعنا فى اخرتنا احسن
ونتوب لله توبه صادقه
اخوتى اكتفى بهذا القدر
وصلى اللهم على محمد وعلى اله وصحبه اجمعين
والسلام عليكم ورحمه الله وبركاته

الثلاثاء أغسطس 06, 2013 11:45 am

الاخت / رحيق الفردوس

استفتدت كتير من اختيارك لهاالموضوع ربى يسلمك ماتشوفى شر ابدا ويجعله فى ميزان حسناتك ويتقبله منك

لا حرمكي الله الأجر
أثابكي الله على الموضوع
والفردوس الأعلى
من الجنه

الله يعطيكى الف عافيه على هذة النصائح ويتقبلك فى فسيح جناته بكل خير ننتظر مزيد من هالموضوعات المميزه

الخميس أغسطس 11, 2016 3:30 pm

جزاك الله خيرا

..هــــام لكــل مــن يكتــب فــى المنتــديـــات ..

..هــــام لكــل مــن يكتــب فــى المنتــديـــات ..

رد: ..هــــام لكــل مــن يكتــب فــى المنتــديـــات ..

رد: ..هــــام لكــل مــن يكتــب فــى المنتــديـــات ..